Mellin de Saint-Gelais (1491-1558)

Dizain (autre)

Si j'en dy bien, nul ne le trouve estrange;
Car ses vertus sont tant à estimer,
Que contraint suis de luy donner louange,
Quand bien j'aurois vouloir de la blasmer.
Et d'autrepart je me sens tant l'aimer,
Que quand en elle y auroit que reprendre,
Si ne le puis-je accorder ny comprendre.
Elle ayant donc tant de perfection,
Je ne puis moins que tout honneur luy rendre,
Et par devoir et par affection.