Toy qui oys mes souspirs, ne me sois rigoureux ...
Toy qui oys mes souspirs, ne me sois rigoureux, Si mes larmes à part, toutes mienes, je verse, Si mon amour ne suit en sa douleur diverse Du Florentin transi les regretz langoureux,
Ny de Catulle aussi, le foulastre amoureux, Qui le coeur de sa dame en chastouillant luy perce, Ny le sçavant amour du mi-gregois Properce: Ils n'ayment pas pour moy, je n'ayme pas pour eulx.
Qui pourra sur aultruy ses douleurs limiter, Celuy pourra d'aultruy les plainctes imiter: Chascun sent son tourment, et sçait ce qu'il endure.
Chascun parla d'amour ainsi qu'il l'entendit. Je dis ce que mon coeur, ce que mon mal me dict. Que celuy ayme peu, qui ayme à la mesure !
--------------------------------------------
Toi qui ois mes soupirs, ne me sois rigoureux Si mes larmes à part toutes miennes je verse. Si mon amour ne suit en sa douleur diverse Du Florentin transi les regrets langoureux,
Ni de Catulle aussi, le
folâtre amoureux. Qui le cœur de sa dame en chatouillant lui perce, Ni le savant amour du mi-grégeois Properce ; Ils n’aiment point pour moi ; je n’aime pas pour eux.
Qui pourra sur
autrui ses douleurs limiter, Celui pourra d’autrui les plaintes imiter : Chacun sent son tourment et sait ce qu’il endure,
Chacun parle d’amour ainsi qu’il l’entendit. Je dis ce que mon
cœur, ce que mon mal me dit. Que celui aime peu, qui aime à la mesure !
